TÍMINN TIFAR OG MYRKRIÐ SKELLUR Á.
Í Mariefred gerast undarlegir hlutir. Yfirnáttúrrulegar
verur vakna til lífs. Bræðurnir Viggó og Alríkur hafa valist
til að vernda leynilega bókasafnið sem er undir kirkjuhólnum.
Hinum gömlu gæslumönnum bókasafnsins finnst
bræðurnir heldur ungir til að vera stríðsmenn og vilja láta á
þá reyna. Brátt stefnir í voða og Alríkur og Viggó verða að
sýna af sér bæði hugrekki og kænsku til að lifa af. Auk þess
fer fram barátta á skólalóðinni, þar sem hinn kokhrausti
Símon og kumpánar hans halda að þeir eigi allt og alla.
Níðstöngin er fyrsta bókin í PAX-seríunni. Bók
númer tvö, Beislið, kemur út vorið 2019.
Ingela Korssell, Henrik Jonsson og Asa Larsson
Åsa Larsson er einn af vinsælustu spennusagnarithöfundum Norðurlandanna. Bækur hennar um Rebecku Martinsson hafa selst í milljónum eintaka um allan heim og unnið til fjölda verðlauna. Åsa vinnur í fullu starfi sem rithöfundur. PAX er fyrsta bókaröðin hennar fyrir unga lesendur.
Ingela Korsell er rithöfundur og menntuð grunnskólakennari. Í dag skiptir hún tíma sínum á milli þess að vinna við
rannsóknir og kennslu barnabókmennta (læsi barna) við háskólann í Örebro og að skrifa barna- og unglingabækur.
Bæði Ingela og Åsa búa og starfa í Mariefred, þar sem þær deila einnig vinnuaðstöðu. Áður hafa þær skrifað saman efni í útvarpsþætti fyrir börn í Svíþjóð. Þeim finnst báðum norræna goðafræðin og sænsk þjóðtrúin spennandi viðfangsefni sem gaman er að vinna með í PAX bókunum.
Henrik Jonsson er myndskreytir og teiknimyndagerðarmaður. Hann úrskrifaðist frá Kubert skólanum í Bandaríkjunum og hefur m.a. teiknað fyrir DC Comics, í blöð eins og Batman og Suicide Squad. Henrik býr og starfar í Gautaborg. Af öllum fyrirbærunumum í Pax-seríunni finnst honum skemmtilegast að teikna drýslana vegna þess að eru svo litlir og viðbjóðslegir, en samt sem áður svolítið sætir. Henrik gæti hugsað sér að eiga drýsil sem gæludýr. Drýsilinn myndi halda honum félagsskap þegar hann teiknar fram á nætur og jafnvel sækja fyrir hann pennana.
Þýðandi er Sigurður Þór Salvarsson
